Yurtimizda o‘tgan aziz insonlarning xotirasini e’zozlash, bugungi tinch, osoyishta, dorilamon kunlarga etishimizda fidoyilik ko‘rsatgan Ikkinchi jahon urushi qatnashchilari, front ortida mehnat qilgan faxriylar, nuroniy otaxonu onaxonlar holidan xabar olish, ularga moddiy va ma’naviy ko‘mak berish ezgu an’anaga aylangan.Har yili 9 may – Xotira va qadrlash kuniga bag‘ishlangan ma’naviy-ma’rifiy tadbirlar respublikamizning barcha hududlarida ko‘tarinki ruhda o‘tkazib kelinayotir.Xotira va qadrlash tushunchalari zamirida insonga, uning hayoti, sha’ni va qadr-qimmatiga cheksiz ehtirom tuyg‘usi mujassam. Xotira va qadrlash kunlari arafasida bugungi tinch-osoyishta hayot, to‘kinlik va farovonlikka qanday og‘ir sinov va mashaqqatlar evaziga erishilgani xayolimizdan o‘tadi. Shu yo‘lda qurbon bo‘lgan millionlab yurtdoshlarimiz xotirasiga ta’zim qilamiz. Bizga nasib etgan mustaqillik, tinchlik va osoyishtalikning ahamiyatini yanada teranroq anglaymiz. Shu munosabati bilan "Milliy tiklanish" demokratik partiyasidan saylangan viloyat va tuman Kengashi deputatlari Jondor tumani "Qovchin" mahallasida yashovchi Ikkinchi jahon urushi front ortida xizmat qilgan Bobomurod ota SHomurodovni holidan xabar olib, bayram bilan tabrikladilar.