Deputat óz saylaw okrugindegi mektepke shekemgi bilimlendiriw shólkemi jumısı hám imaratlarınıń texnikalıq jaǵdayın úyrendi.


⚡️Xalıq deputatları Shımbay rayonlıq Keńesi 23-sanlı “P.Ibadullaev” saylaw okrugi “Adolat” social-demokratik partiyası deputat  K.Jorabekov óz saylaw okruginde jaylasqan  34-sanlı mektepke shekemgi bilimlendiriw shólkemi jumısı hám imaratlarınıń texnikalıq jaǵdayın úyrendi.

Uyreniw dawamında mákemeniń tálim-tárbiya procesi, tárbiyalanıwshılar ushın jaratılǵan sharayatlar, materiallıq-texnikalıq bazası hám infrastrukturası kózden ótkerildi.

Úyreniwler nátiyjesinde  MShBSh imaratı avariyalıq jaǵdayǵa kelip qalǵanı, imarattaǵı jarıqlar, tóbe bólegi hám ayırım konstrukciya elementleriniń eskirgeni, bul bolsa tárbiyalanıwshılar hám mákeme xızmetkerleriniń qáwipsizligine unamsız tásir kórsetiwi múmkin ekenligi anıqlandı.

Imarat qayta qurıw qurılısshı "QIZKETKEN ARNAWLI QURILIS" JShJ tárepinen 2021-jıl 1-iyun kúninen baslap, 2024-jıl may ayına shekem imaratıń qurılıs jumısları jumaqlanıp tapsırılǵan.

Bul jaǵday boyınsha imaratta tolıq ońlaw yamasa jańadan qurıw máselesin kórip shıǵıw, tiyisli shólkemler tárepinen texnikalıq juwmaq tayarlaw hám mashqalanı saplastırıw boyınsha ámeliy ilajlardı belgilew zárúr ekenligi atap ótildi.

Deputat anıqlanǵan kemshiliklerdi saplastırıw maqsetinde juwapker shólkemlerge deputatlıq soraw kirgiziw hám máseleniń orınlanıwın turaqlı qadaǵalawǵa alatuǵının málim etti. Balalardıń qáwipsiz hám zamanagóy sharayatta tálim-tárbiya alıwın támiyinlew tiykarǵı wazıypalardan biri ekeni atap ótildi.