Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev hamda tuman Maktabgacha va maktab ta’limi bo‘limi boshlig‘i I.Izzatulloyev bilan birgalikda tumanning “Sari-Qangli” mahallasida faoliyat yuritayotgan 22-sonli maktabgacha ta’lim tashkilotining moddiy-texnika bazasi, binolarning texnik holati hamda tarbiyalanuvchilar uchun yaratilgan shart-sharoitlar atroflicha ko‘zdan kechirildi.

O‘rganish jarayonida muassasaning asosiy va yordamchi binolari, guruh xonalari, yotoqxonalar, ovqatlanish bloki, sanitariya-gigiyena xonalari, isitish va elektr ta’minoti tizimlari, shuningdek, bolalarning xavfsizligi uchun yaratilgan sharoitlar o‘rganildi. Ayrim xonalarning ichki devor va shift qismlarida yemirilishlar mavjudligi, pol qoplamalari eskirgani, eshik va derazalarning ta’mirtalab holatga kelgani, muhandislik kommunikatsiyalarini yangilash zarurati mavjudligi qayd etildi.

Muassasa rahbariyati bilan bo‘lgan muloqot davomida binolarning uzoq yillardan buyon kapital ta’mirlanmagani, tarbiyalanuvchilar sonining ortib borayotgani hamda mavjud infratuzilma bugungi talablarga to‘liq javob bermasligi ta’kidlandi. Shu munosabat bilan muassasaning faoliyatini yanada samarali tashkil etish, bolalar uchun xavfsiz va zamonaviy ta’lim-tarbiya muhitini yaratish maqsadida binolarni bosqichma-bosqich rekonstruksiya qilish yoki yangi talablarga mos holda qayta qurish masalasini ko‘rib chiqish taklifi bildirildi.