👤 Xalq deputatlari Shovot tumani Kengashi deputati To‘lqin Sa’dullayevich Yakubov tomonidan Shovot tumani maktabgacha va maktab ta’limi bo‘limi mudiri Q.Bobojonov nomiga deputatlik so‘rovi yuborildi.
Mazkur deputatlik so‘rovi O‘zbekiston Respublikasining "Mahalliy davlat hokimiyati to‘g‘risida" hamda **"Xalq deputatlari viloyat, tuman va shahar Kengashi deputatining maqomi to‘g‘risida"**gi qonunlari asosida kiritilgan bo‘lib, tumanda ijtimoiy sohani rivojlantirish dasturlari ijrosi ustidan samarali deputatlik nazoratini amalga oshirishga qaratilgan.
🎯 So‘rovning asosiy maqsadi
2026-yilda Shovot tumanidagi umumta’lim maktablarida tashkil etilishi belgilangan inklyuziv sinflar bo‘yicha amalga oshirilayotgan ishlarning bugungi holatini o‘rganish, davlat dasturlari ijrosini tahlil qilish hamda mavjud muammolarni aniqlash.
📌 Deputat quyidagi ma’lumotlarni taqdim etishni so‘radi:
✅ Inklyuziv sinflar tashkil etilishi belgilangan umumta’lim maktablari ro‘yxati.
✅ Har bir umumta’lim maktabida tashkil etiladigan inklyuziv sinflar soni.
✅ Inklyuziv sinflarni tashkil etish bo‘yicha amalga oshirilgan hamda rejalashtirilgan chora-tadbirlar.
✅ Maktablarning moddiy-texnik bazasi, maxsus jihozlar va malakali pedagog kadrlar bilan ta’minlanganlik darajasi.
✅ Dasturning ijro muddati hamda bugungi kundagi bajarilish holati.
⚖️ Qonunchilik talabi
Amaldagi qonunchilikka muvofiq, deputatlik so‘rovi bo‘yicha 10 kun muddat ichida asoslantirilgan yozma javob taqdim etilishi lozim. So‘rovni o‘z vaqtida ko‘rib chiqmaslik yoki bila turib noto‘g‘ri ma’lumot taqdim etish qonunchilikda belgilangan javobgarlikka sabab bo‘ladi.
🌟 Kutilayotgan natija
Mazkur deputatlik so‘rovi orqali Shovot tumanida inklyuziv ta’limni yanada rivojlantirish, alohida ta’lim ehtiyojiga ega bo‘lgan o‘quvchilar uchun teng imkoniyatlar yaratish, maktablarning tayyorgarlik darajasini baholash hamda ta’lim sifatini oshirishga qaratilgan chora-tadbirlarning samaradorligini kuchaytirish maqsad qilingan.