Xalq deputatlari Uzun tumani Kengashi deputatlari Axborot-kutubxona markazi faoliyati bilan tanishdilar

Bugun mamlakatimizda yoshlarning intellektual salohiyatini oshirish, aholi o‘rtasida kitobxonlik madaniyatini keng targ‘ib qilish davlat siyosatining eng muhim ustuvor yo‘nalishlaridan biri hisoblanadi.
Shu munosabat bilan, Xalq deputatlari Uzun tumani Kengashi raisi hamda bir guruh deputatlar tuman Axborot-kutubxona markaziga tashrif buyurishdi.

🔍Deputatlar markazda kitobxonlar va yoshlar uchun yaratilgan shart-sharoitlar bilan yaqindan tanishib, quyidagi masalalarni atroflicha o‘rganishdi:

📚 Kutubxonadagi mavjud badiiy, ilmiy va ommabop adabiyotlar, shuningdek, yangi kelgan kitoblar zaxirasi ko‘zdan kechirildi.

💻 Axborot-kutubxona markazining elektron kutubxona tizimi, kitobxonlarga masofadan turib xizmat ko‘rsatish imkoniyatlari va internet tarmoqlaridan foydalanish darajasi tahlil qilindi.

👥 Mutolaa zallarining jihozlanishi, yoritish tizimi va yoshlarning bo‘sh vaqtini mazmunli tashkil etish bo‘yicha ko‘rilgan choralar ko‘zdan kechirildi.