Uchrashuv avvalida deputat tomonidan mahallada olib borilayotgan ishlar, aholi bandligini ta’minlash, yoshlar va farzandlar tarbiyasiga e’tiborni kuchaytirish, huquqbuzarlik va jinoyatchilikning oldini olish borasida amalga oshirilayotgan chora-tadbirlar haqida so‘z yuritildi.

Shuningdek, uchrashuv davomida saylovchilar tomonidan mahalladagi mavjud muammolar, infratuzilmani yaxshilash, kommunal xizmatlar sifatini oshirish hamda hududni obodonlashtirishga oid qator taklif va murojaatlar bildirildi.

Mazkur uchrashuvda tuman hokimligi, Obodonlashtirish boshqarmasi hamda tuman elektr ta’minoti korxonasining mas’ul xodimlari ham ishtirok etib, fuqarolar tomonidan ko‘tarilgan masalalar yuzasidan batafsil ma’lumotlar berdi hamda murojaatlarni hal etish bo‘yicha tegishli tushuntirishlar olib bordi.