Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat А.Xolmurzayev mahalla “yettiligi”ning aholiga hisobot yig‘ilishida ishtirok etdi.

Yig‘ilish davomida mahallada chorak davomida amalga oshirilgan ishlar atroflicha tahlil qilinib, erishilgan natijalar hamda yo‘l qo‘yilgan kamchiliklar muhokama qilindi. Mahalla “yettiligi”ning faoliyatiga munosib baho berildi.

Deputat o‘z nutqida mamlakatimiz va tumanda olib borilayotgan keng ko‘lamli islohotlar, bunyodkorlik ishlari haqida batafsil ma’lumot berdi. Shuningdek, mahalla aholisi bilan ochiq muloqot o‘tkazilib, fuqarolarning muammo va takliflari tinglandi.

Bunday uchrashuvlar aholining fikrini o‘rganish, muammolarga joyida yechim topish hamda xalq bilan muloqotni yanada mustahkamlashda muhim ahamiyat kasb etadi.