2026-jıl 1-may kúni Taxtakópir rayonı «Dawqara» awıl puqaralar jıyını aymaǵındaǵı 13-sanlı mekteptiń májilisler zalında xalıqtıń bántligin támiyinlew, kambaǵallıq hám jumıssızlıq dárejesin qısqartıw, isbilermenlik kónlikpeleri payda etiw boyınsha úgit-násiyatlaw ushırasıwı bolıp ótti. 

Ushırasıwda Xalıq deputatları rayonlıq Keńesine ÓzLiDEP partıyasınan deputat Q.Ibadullaev, rayon hákiminiń orınbasarı G.Seytnazarova, rayonlıq Kambaǵallıqtı qısqartıw hám bántlikke kómeklesiw bólimi baslıǵı orınbasarı A.Baymbetov hám «Insan» sociallıq xızmeler orayı qánigesi Q.Ismamutov, máhálle jetiligi qatnasıp saylawshılarǵa jańadan qabıl etilgen qarar hám nızamlar, sonıń ishinde Qaraqalpaqstan ushın qabıl etilgen qarar, pármanlardıń mazmun-mánisin túsindiriwge qaratılǵan úgit-násiyat jumısları alıp barıldı.

Sonday-aq, awıllıq jerde jumıssızlıqtı qısqartıw, jaslar hám hayal-qızlardı jumıs penen bánt etiw boyınsha jańa jobalar hám imkaniyatlar keńnen túsindirildi.

Ásirese, hayal-qızlarǵa mámleketimiz tárepinen jaratılıp atırǵan jeńillikler haqqında tolıq maǵlıwmatlar berildi. Ushırasıw dawamında puqaralardı qızıqtırǵan sorawlarǵa juwap berilip, olardıń pikir-usınısları tıńlandı.

Bunday úgit-násiyat ilajları xalıqtıń huqıqıy sanasın arttırıw hám bar imkaniyatlardan nátiyjeli paydalanıwǵa xızmet etedi.