Ózbekstan Respublikası Prezidentiniń 2026-jıl 3-marttaǵı PP-33-sanlı Pármanınıń orınlanıwın támiyinlew, atap aytqanda, hayal-qızlar hám balalar huqıqlarınıń qorǵalıwın kúsheytiw jáne olarǵa bolǵan kúsh kórsetiw hám zorlıq jaǵdaylarınıń aldın alıwǵa qaratılǵan ilajlar sheńberinde Bozataw rayonında úgit-násiyat ilajı shólkemlestirildi.

Ilajǵa Xalıq deputatları Bozataw rayonlıq Keńesi 3-sanlı «Mádeniyat» saylaw okruginen deputat (ÓzXDP) G.Yusypova, 4-sanlı «Qusxanataw» saylaw okruginen deputat (ÓzMTDP) A.Jangavaeva hám Bozataw rayonına biriktirilgen úgit-násiyatlaw toparınıń aǵzalraı, Shańaraq hám hayal-qızlar bóliminiń baslıǵı A.Xojageldieva, nuranıylar, máhállelerdegi hayal-qızlar belsendileri, tiyisli taraw xızmetkerleri menen birge jaslar qatnastı.

Ilaj dawamında hayal-qızlar hám balalardıń huqıqların qorǵaw, olardı qollap-quwatlaw jáne jámiyette salamat ortalıqtı bekkemlew máseleleri dodalandı.