Xalq deputatlari Paxtakor tumani Kengashining deputati Sh.Karimov Do‘stlik mahallasida bo‘lib, mahalla “yettiligi” tomonidan amalga oshirilayotgan ishlar bilan tanishdi. 

U tashrif davomida ijtimoiy xodim faoliyatiga alohida e’tibor qaratib, aholining ijtimoiy ehtiyojmand qatlamlariga ko‘rsatilayotgan xizmatlarning sifati va samaradorligini o‘rgandi.

Shuningdek, kam ta’minlangan oilalarga ijtimoiy nafaqalar hamda moddiy yordamlarni tayinlash va o‘z vaqtida to‘lash holati ham atroflicha ko‘zdan kechirildi. 

O‘rganishlar davomida mavjud muammolar yuzasidan tegishli tavsiyalar berilib, ijtimoiy qo‘llab-quvvatlash tizimini yanada takomillashtirish bo‘yicha vazifalar belgilab olindi.