Sessiya májilisinde tiykarınan on jeti másele deputatlar názerine usınıldı.

Atap ótilgenindey dáslep, jaslardıń mashqalalarınıń orınlanıwına kómeklesiw, jas áwladtıń talantı hám qábiletlerin rawajlandırıw boyınsha qosımsha shárayatlar jaratıw baǵdarında ámelge asırılǵan jumıslar haqqında rayon hákimi orınbasarınıń bayanatı, bunnan soń, shańaraq hám hayal-qızlar bólimi tárepinen hayal-qızlardı hár tárepleme qollap-quwatlaw hám olardıń jámiyettegi rolin jánede asırıw baǵdarında 2022-jıldıń 12 ayı dawamında alıp barılǵan jumısları, jánede rayonda sektor aǵzaları hámde puqaralar jıyınları menen birgelikte úyme-úy júrip, anketa-sorawnamalar ótkeriw nátiyjesinde anıqlanǵan sociallıq qollap-quwatlawǵa mútáj hayal-qızlardı "Hayallar dápteri"ne kirgiziw boyınsha alıp barılıp atırǵan jumıslar haqqında bayanatları tıńlandı.

Sessiya májilisinde bunnan basqada, rayonlıq qarjı bóliminiń jergilikli byudjettiń orınlanıwı haqqındaǵı, sonday-aq, aymaqtıń imkaniyatınan kelip shıqqan halda jergilikli byudjet dáramatlarınıń qosımsha dereklerin payda etiw hám qosımsha dereklerden paydalanıw baǵdarları tiykarınan, jergilikli byudjet dáramatların asırıwdıń anıqlanǵan rezervleri haqqında máselesi usınıldı.

Sonday-aq, rayon aymaǵındaǵı ayırım fermer xojalıqları hám awıl xojalıǵı kárxanalarınıń jer maydanlarınıń ijara shartnamalarınıń orınlanıwın kórip shıǵıw boyınsha isshi topar usınısı deputatlar názerine usınılıp qaralǵan máseleler boyınsha tiyisli qararlar qabıl etildi.