J.Axunov raisligida o‘tkazilgan sessiya ishida Samarqand viloyati prokurori Murodqosim Eshnazarov, tuman sektor rahbarlari, kun tartibidagi masalalarga aloqador hokim o‘rinbosarlari, tashkilot va muassasa rahbarlari hamda OAV vakillari ishtirok etishdi.

Sessiya davomida Payariq tumanida aholi bandligini ta’minlash, kam ta’minlangan oilalarni kambag‘allik darajasidan chiqarish, xorijda yurgan fuqarolarni qo‘llab-quvvatlash, “Sayxunobod tajribasi”ni joriy etish, “Mahalla yettiligi” faoliyatini samarali tashkil etish, aholi kayfiyatiga salbiy ta’sir qiluvchi omillarni bartaraf etish bo‘yicha tuman sektor rahbarlarining 2024 yil I choragida amalga oshirgan ishlari to‘g‘risida hisobotlari muhokama qilindi.