🔹Yangilanish, yasharish va mehr-oqibat ayyomi bo‘lgan Navro‘z umumxalq bayrami Marg‘ilon shahridagi Erkin Vohidov nomidagi ijod maktabida ko‘tarinki ruhda keng nishonlandi.

🔹Mazkur bayram tadbirida Xalq deputatlari Marg‘ilon shahar Kengashi kotibiyati mudiri, shahar Kengashi deputati A.Ermatov hamda Marg‘ilon shahar Axborot-kutubxona markazi rahbari, shahar Kengashi deputati A.Mahkamov ishtirok etib, yoshlar bilan bayram quvonchini baham ko‘rdilar.

🔹“Navro‘z – birlik, do‘stlik va mehr-oqibat timsoli!” shiori ostida o‘tkazilgan tadbir doirasida 3-chorak yakunlariga bag‘ishlangan “Parvoz-2026” taqdirlash marosimi ham tashkil etildi.

🔹Bayram davomida o‘quvchilar tomonidan milliy qadriyatlarimizni aks ettiruvchi sahna ko‘rinishlari, kuy-qo‘shiqlar va xalq o‘yinlari namoyish etilib, tadbirga o‘zgacha fayz bag‘ishladi. Shuningdek, ijod maktabi rahbariyati tashabbusi bilan faoliyat yuritayotgan “Maktab parlamenti”ning faol a’zolariga guvohnomalar topshirildi.

🔹Mazkur tadbir nafaqat Navro‘z bayramining mazmun-mohiyatini yana bir bor namoyon etdi, balki yosh avlodni rag‘batlantirish, ularning iqtidorini qo‘llab-quvvatlash hamda milliy qadriyatlarimizga hurmat ruhida tarbiyalashda muhim ahamiyat kasb etdi.