Qibray tumani hokimligi tashabbusi bilan, tuman Xalq deputatlari tuman Kengashi deputati, Ma'naviyat bo'linmasi, Milliy gvardiya, imom xatib hamda tuman Maktabgacha va maktab ta'limi bo‘limi hamkorligida otalar majlisi tashkil etildi. Tumandagi 1-umumta'lim maktabida o'tkazilgan uchrashuvda, viloyat Milliy gvardiya boshqarmasi boshlig'i o'rinbosari O.Azimov, tuman hokimi o'rinbosari R.Xasanov va tegishli mas'ullar ishtirok etib, “Maktab-mahalla-oila” tamoyili asosida hamkorlikdagi ishlarni yo'lga qo'yish, o‘zaro munosabatlarini mustahkamlash kabi masalalar atroflicha muhokama qilindi.  Shuningdek, otalarning farzand ta'lim-tarbiyasidagi o‘rni, majburiyati, mas'uliyati to'g'risida so'z yuritilib, otalar majlisini an'anaiy tarzda o'tkazish hamda farzandlar ta'lim-tarbiyasiga bog‘liq muammolarni otalar bilan birgalikda muhokama qilishga kelishib olindi.