Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya yig‘ilishida 2026-yil 1-yanvar holatiga shakllangan erkin qoldiq mablag‘larini yo‘naltirish masalasi batafsil ko‘rib chiqildi.

💰 2026-yil 1-yanvar holatiga erkin qoldiq mablag‘lari 6 mlrd 258 mln so‘mni tashkil etgan.

Shundan, muhokama natijalariga ko‘ra, 653,9 mln so‘m mablag‘ni quyidagi yo‘nalishlarga ajratish rejalashtirildi:

🔹 55,0 mln so‘m – 2024–2025-o‘quv yilida namunali faoliyat ko‘rsatgan o‘qituvchi va o‘quvchilarni rag‘batlantirish uchun;

🔹 187,2 mln so‘m – “ZO‘R KLASS” loyihasi doirasida ta’lim jarayoniga jalb qilingan xorijiy mutaxassislarning ijara va kommunal xarajatlari uchun;

🔹 170,0 mln so‘m – M37 avtomobil yo‘lining 62-kilometrida o‘rnatilgan foto radar qurilmasiga xizmat ko‘rsatish uchun;

🔹 32,4 mln so‘m – tuman hokimligining rasmiy veb-sayti va portalini texnik qo‘llab-quvvatlash xizmatlari uchun;

🔹 42,0 mln so‘m – elektron tizim (e-qaror) bilan bog‘liq yillik xarajatlar uchun;

🔹 10,0 mln so‘m – pochta xizmatlari xarajatlari uchun;

🔹 12,0 mln so‘m – inson resurslarini boshqarish elektron tizimiga texnik xizmat ko‘rsatish uchun;

🔹 62,2 mln so‘m – texnik xodimlar mehnatiga haq to‘lash uchun;

🔹 5,8 mln so‘m – davlat tilida ish yuritish va malaka oshirish bo‘yicha sertifikat xarajatlari uchun;

🔹 15,0 mln so‘m – selektor qurilmalari uchun texnik jihozlar xaridi;

🔹 15,0 mln so‘m – qog‘oz va kanselyariya mollari xaridi;

🔹 47,4 mln so‘m – yer tuzish va loyiha ishlari uchun.

💬 Muhokamalar davomida har bir yo‘nalish bo‘yicha mablag‘larning maqsadli, shaffof va samarali sarflanishi yuzasidan komissiya a’zolari tomonidan taklif va tavsiyalar bildirildi.

Ajratilayotgan mablag‘lar hudud infratuzilmasini yaxshilash, ta’lim sifatini oshirish, raqamli tizimlarni takomillashtirish hamda davlat xizmatlari samaradorligini kuchaytirishga xizmat qiladi.

Yig‘ilish yakunida tegishli qaror loyihasi ma’qullandi.