Yurtimizda haftaning har payshanba kuni “Yoshlar kuni” sifatida belgilangan bo‘lib, ushbu tashabbus hurmatli Prezidentimiz tomonidan ilgari surilgan va yoshlar bilan bevosita muloqotni yanada kuchaytirishga qaratilgan. Shu kun doirasida joylarda yoshlar bilan ochiq va samarali uchrashuvlar tashkil etilmoqda. Shu munosabat bilan Xalq deputatlari Zarbdor tuman Kengashi deputati I.Allayarov hamda “mahalla yettiligi” a’zolari tomonidan tumandagi 22-sonli umumiy o‘rta ta’lim maktabida o‘quvchi yoshlar bilan uchrashuv o‘tkazildi. Uchrashuv davomida yoshlarning ta’lim jarayoni, kasb tanlash masalalari, bo‘sh vaqtini mazmunli tashkil etish hamda huquqbuzarliklarning oldini olish yuzasidan suhbatlashildi. Shuningdek, o‘quvchilarning qiziqishlari va kelgusidagi rejalari tinglanib, ularga zarur tavsiyalar berildi. Muloqot jarayonida yoshlarni vatanparvarlik ruhida tarbiyalash, ularning ijtimoiy faolligini oshirish va sog‘lom turmush tarziga rioya etish masalalariga alohida e’tibor qaratildi. Mazkur uchrashuv Prezident tomonidan ilgari surilgan tashabbusga muvofiq yoshlar bilan ochiq muloqotni rivojlantirish, ularning muammo va takliflarini o‘rganish hamda kelajakka bo‘lgan ishonchini mustahkamlashga xizmat qildi.