📌 Yoshlar bandligi — doimiy e’tiborda

Qo‘shko‘pir tuman Kengashi deputati Artikova Oybibi Sa’dullayevna o‘z saylov okrugida istiqomat qiluvchi yoshlar bilan uchrashuv o‘tkazdi.

Uchrashuv davomida yoshlar bandligini ta’minlash, ularni doimiy ish o‘rinlariga joylashtirish, kasb-hunar o‘rganish va tadbirkorlik faoliyatini boshlash borasidagi masalalar atroflicha muhokama qilindi. Yoshlar tomonidan bildirilgan taklif va muammolar tinglanib, har bir murojaat yuzasidan tegishli tashkilotlar bilan hamkorlikda amaliy choralar ko‘rish belgilab olindi.

Deputat tomonidan yoshlarni qo‘llab-quvvatlash, ularning tashabbuslarini ro‘yobga chiqarish hamda bandligini ta’minlash borasidagi ishlar izchil davom ettirilishi ta’kidlandi.