Xalq deputatlari Jalaquduq tuman Kengashi deputati Yo.Tadjibayeva tomonidan Bozorboshi MFYda hokim yordamchisi faoliyati doirasida amalga oshirilayotgan ishlar samaradorligi o‘rganildi. O‘rganish davomida aholini kambag‘allikdan chiqarish, bandligini ta’minlash,
tadbirkorlikka jalb qilish, kasb-hunarga o‘qitish, shuningdek, ijtimoiy himoyaga muhtoj oilalarni qo‘llab-quvvatlash borasida olib borilayotgan chora-tadbirlar bilan yaqindan tanishildi. Shuningdek, “temir daftar”, “ayollar daftari” va “yoshlar daftari” asosida shakllantirilgan ro‘yxatlar bo‘yicha amalga oshirilayotgan ishlar tahlil qilinib, har bir murojaat va muammoni manzilli hal etishga alohida e’tibor qaratildi. Deputat tomonidan fuqarolar yig‘ini faoliyatini yanada takomillashtirish, aholi bilan ishlash samaradorligini oshirish, daromad manbalarini ko‘paytirish va kambag‘allikni qisqartirishga qaratilgan ishlar izchil davom ettirilishi zarurligi ta’kidlandi.