Deputatlar Paxtakor tumanidagi barpo etilgan uzumchilik bog‘ida bo'lishdi

Kuni kecha Xalq deputatlari Jizzax viloyat Kengashi 31-Mingchinor saylov okrugi deputati A.Eshmatov va 4-Chamanzor saylov okrugi tuman Kengashi deputati, hokim X.Abduvoxidov hamda mutasaddi tashkilotlar vakillari ishtirokida Samarqand FXHU “Anvar A” fermer xo‘jaligi dala chetlarida tashkil etilayotgan uzumchilik bog‘i bilan tanishdilar.

Tashrif davomida uzumzor barpo etish jarayonlari, agrotexnik tadbirlar, sug‘orish tizimi va kelgusidagi hosildorlik ko‘rsatkichlari muhokama qilindi. Shuningdek, loyiha doirasida yangi ish o‘rinlari yaratish va eksportbop mahsulot yetishtirish masalalariga alohida e’tibor qaratildi.

Deputatlarning ushbu tashabbusi hududda qishloq xo‘jaligini diversifikatsiya qilish, aholi bandligini ta’minlash hamda daromad manbalarini kengaytirishga xizmat qiladi.