10-“Marmarobot” saylov okrugidan saylangan xalq deputatlari shahar Kengashi deputati G.Raxmatova
hamda Oʻzbekiston Ekologik partiyasi shahar kengashi raisi O.G‘afforov hamkorligida 1-sonli Davlat maktabgacha ta’lim tashkilotida
ekologik yo‘nalishdagi targ‘ibot tadbiri tashkil etildi. 

Tadbirda maktabgacha ta’lim muassasalarida ekologik madaniyatni shakllantirish, atrof-muhitni asrash, yashil hududlarni kengaytirish
hamda bolalarga ekologik tarbiyani singdirishda pedagog xodimlarning o‘rni muhim ekani ta’kidlandi.
Deputat G.Raxmatova o‘z chiqishida ekologik tarbiya aynan bog‘cha yoshidan boshlanishi zarurligini, buning uchun esa eng avvalo
tarbiyachi va xodimlarning o‘zlari namuna bo‘lishi lozimligini qayd etdi.
O. G‘afforov esa ta’lim muassasalarida “yashil muhit”ni yaratish, chiqindilarni saralash, daraxt ekish kabi tashabbuslarni muntazam
yo‘lga qo‘yish dolzarb vazifa ekanini ta’kidladi. 

Uchrashuv davomida xodimlar bilan ochiq muloqot o‘tkazilib, ekologiya sohasidagi dolzarb masalalar yuzasidan fikr almashildi, amaliy takliflar bildirildi.
Yakunda bunday hamkorlikdagi tadbirlar ta’lim muassasalarida ekologik mas’uliyatni kuchaytirishga, kelajak avlodni tabiatga mehr ruhida tarbiyalashga xizmat
qilishi qayd etildi.