Xalq deputatlari Parkent tuman Kengashining 15-Beshkappa saylov okrugidan saylangan deputati, tuman Kengashi kotibiyati mudiri Berdiqulova Mavluda Tojiddinovna hamda 1-Qoraqalpoq saylov okrugidan saylangan deputat Yergashboev Baxtiyor Rustamovich tumandagi 27-sonli umumiy o‘rta ta’lim maktabida bo‘lishdi. Tashrif davomida muassasaning kuz-qish mavsumiga tayyorgarlik holati jamoatchilik nazorati asosida o‘rganildi. Xususan, sport zali va sport anjomlarining texnik holati, isitish tizimi, sinfxonalardagi sharoit hamda hududni obodonlashtirish ishlari ko‘zdan kechirildi. O‘rganishlar natijasida aniqlangan ayrim kamchiliklarni bartaraf etish yuzasidan mas’ullarga tegishli tavsiyalar berildi. Sport anjomlarini yangilash va joriy ta’mirlash ishlarini jadallashtirish bo‘yicha takliflar bildirildi. Maktabda o‘quvchilar uchun qulay va xavfsiz sharoit yaratish masalasi deputatlar tomonidan nazoratga olindi.