Xalq deputatlari Tuproqqal’a tuman Kengashining navbatdagi 94-sessiyasi o'tkazildi.

Sessiya kun tartibida

1. Tuproqqalʼa tumanI adliya bo‘limi tomonidan tumandagi davlat organlari va tashkilotlarining norma ijodkorligi hamda huquqni qo‘llash amaliyoti holati bo‘yicha 2024-yil I choragida amalga oshirilgan ishlar holati yuzasidan axboroti to‘g‘risida.

2. Mahallalarda tadbirkorlikni rivojlantirish, aholi bandligini taʼminlash va kambag‘allikni qisqartirish bo‘yicha kelib tushgan murojaatlar tahlili va hokim yordamchilari faoliyatining natijadorligini o‘rganish yuzasidan O‘zbekiston Respublikasi Prezidentining Tuproqqalʼa tuman Xalq qabulxonasi mudirining 2024-yil yanvar-mart oyi yakuni bo‘yicha axboroti to‘g‘risida.

3. Tuproqqalʼa tumanI 3-sektordagi moddiy va ijtimoiy yordam ko‘rsatilgan oilalarni “Temir daftar”dan chiqarish to‘g‘risida.

4. Tuproqqalʼa tumanidagi ehtiyojmand oilalarni “Temir daftar”ga kiritish hamda davolanish va moddiy taʼminlash uchun moddiy yordam ajratish to‘g‘risida.

5. O‘zbekiston Respublikasi Prezidentining 2021-yil 10-dekabrdagi “O‘zbekiston Respublikasining ijtimoiy va ishlab chiqarish infratuzilmasini rivojlantirish dasturi hamda boshqa davlat dasturlari ijrosi ustidan nazoratni kuchaytirishga doir qo‘shimcha chora-tadbirlar to‘g‘risida”gi PQ-43-sonli qaroriga asosan Tuproqqalʼa tumanida 2025-yilda Ijtimoiy va ishlab chiqarish infratuzilmasini rivojlantirish dasturi doirasida amalga oshirish taklif qilinayotgan investitsiya loyihalari to‘g‘risida.

6. Hududlarni ijtimoiy–iqtisodiy rivojlantirishga qaratilgan jamoatchilik fikri asosida shakllangan va ovoz berish yakuniga ko‘ra “g‘olib” takliflarni tanlab olish hamda ularga mablag‘ yo‘naltirish to‘g‘risida. 

7. Tuproqqalʼa tumani mahalliy byudjetining 2024-yil boshiga shakllangan erkin qoldiq mablag‘lari hisobidan mablag‘ ajratish to‘g‘risidagi masalalar ko'rildi va deputatlar tomonidan tegishli qarorlar qabul qilindi.