Toshkent shahar Mudofaa ishlari boshqarmasi yigʻin punktida muddatli harbiy xizmatga chaqirilgan fuqarolarni Oʻzbekiston Respublikasi Qurolli Kuchlari safiga kuzatishga bagʻishlangan tantanali marosim
boʻlib oʻtdi.  

Tadbirda Toshkent shahar Mudofaa ishlari boshqarmasi rahbariyati, "Milliy tiklanish" DP Toshkent shahar Kengashi xodimlari, Xalq deputatlari Mirobod tuman Kengashi deputatlari, faxriylar va jamoatchilik vakillari, shuningdek, muddatli harbiy xizmatga ketayotgan yigitlarning oila aʻzolari va jamoatchilik
vakillari ishtirok etishdi.  

Tantanali tadbirda Oʻzbekiston Qurolli Kuchlari tizimida amalga oshirilgan islohotlar, harbiy xizmatning ahamiyati, xizmatchilar uchun joriy etilgan imtiyoz va yengilliklar haqida soʻz yuritildi, Vatanni himoya qilishdek muqaddas va sharafli burchni bajarishga shay turgan oʻgʻlonlarga bukilmas iroda, soʻnmas matonat va kuch-gʻayrat tilandi.