Ro‘zai ramazon kunlarida sharoiti ogʻir va qiynalgan oilalarga yordam berish, ularning holidan xabar olib muruvvat ko‘rsatish xalqimizga xos azaliy qadriyatlarimiz biri sanaladi. 

🔰 Ayni kunlarda Chinoz tumani hokimi Sherzod Salixov va sahovatli tadbirkorlarimiz koʻmagida mahallarda istiqomat qilayotgan ehtiyojmand oilalar uchun iftorlik dasturxoni yozilmoqda. 

Birinchi sektor hududidagi "Qir" mahallasida istiqomat qiluvchi Alisher Buvanovlar oilasi xonadonida tashkil etilgan iftorlikka nuroniylar, kayvoniy onaxonlar va ehtiyojmand oila vakillari jam bo‘lishdi.

Tuman hokimi Sh.Salixov piru badavlat otaxon va onaxonlarimiz bilan suhbatda boʻlib, ularning boy hayotiy tajribalaridan har sohada unumli foydalanish zarurligini taʼkidladi.

Alisher Buvanovlar xonadonida tashkil etilgan iftorlik dasturxonida nuroniylar duoga qoʻl ochib, ezgulikka yoʻgʻrilgan xayrli ishlarga hissa qoʻshgan insonlarga fayz baraka tiladilar.