O‘zbekiston Xalq Demokratik partiyasi Toshloq tuman tashkiloti tuman hokimligi bilan hamkorlikda " deputat mahallada" loyihasi
doirasida tumandagi Toshloq mahalla fuqarolar yig‘ini hududidagi Barkamol avlod bolalar ijodiyot maktabida ustozlar va yoshlar ishtirokida ayollar huquqiy bilimlarini oshirish oyligi munosabati bilan "Xotin-qizlar huquqlari qonun himoyasida" mavzusida ma’naviy-ma’rifiy uchrashuv tashkil etildi.  

Davra suhbatida so‘zga chiqqan notiqlar tomonidan "Yangi O‘zbekistonda- el aziz, inson aziz" ezgu g‘oyadan kelib chiqib mamlakatimizda amalga oshirilayotgan keng ko‘lamli islohotlar jumladan, qurilish va obodonlashtirish ishlarini amalga oshirilayotganligi, aholining farovon turmush sharoitini yanada yaxshilash barobarida ularni bandligini ta’minlash, mahallalar infratuzilmasini rivojlantirish borasida keng ko‘lamli ishlar, qolaversa Ayollar daftariga kiritilgan kam ta’minlangan ayollarga yaratib berilayotgan imtiyozlar va sharoitlarni qonunchilik bilan mustaxkamlab qo‘yilganligi to‘g‘risida ma’lumotlar berildi. 

 Tadbirda ishtirokchilar tomonidan hududdagi ijtimoiy masalalarni bartaraf etish yuzasidan qilingan murojaatlar ko‘rib chiqilib, tegishli mutassaddi tashkilotlarga deputatlik so‘rovlari yuborilib, natijasi nazoratga olindi. 

T.Soliyev. O‘zbekiston XDP tuman tashkiloti raisi, Ma’rifat targ‘ibotchilar jamiyati a’zosi.