Xalq deputatlari Boʻstonliq tumani Kengashining 2024-yil 26-fevraldagi oltinchi chaqiriq 108-sessiyasi boʻlib oʻtdi. Sessiya Kun tartibida quyidagi masalalar koʻrib chiqildi:

- Bo‘stonliq tumanidagi fermer xo‘jaliklari va qishloq xo‘jaligi yo‘nalishidagi mas’uliyati cheklangan jamiyatlar tomonidan qishloq xo‘jaligiga mo‘ljallangan yerlardan foydalanish samaradorligi, aniqlangan kamchiliklar va qonun buzilish holatlari to‘g‘risida; 

- Bo‘stonliq tumani hududidagi mahallalarning ma’muriy-hududiy birliklari chegaralarini belgilash to‘g‘risida; 

- “O‘zbekiston – 2030” strategiyasini amalga oshirish nazorat rejasiga asosan tumanda xotin-qizlarni qo‘llab-quvvatlash tizimini kuchaytirish, ularning huquq va qonuniy manfaatlarini ta’minlash, ijtimoiy, iqtisodiy, siyosiy faolligini oshirish va gender tenglikni ta’minlash bo‘yicha olib borilayotgan ishlar to‘g‘risida; 

- Bo‘stonliq tumanida turmush sharoiti yaxshilangan oilalarni va vafot etgan fuqarolarni “Temir daftar” ro‘yxatidan chiqarish to‘g‘risida;

 - Toshkent viloyati Nurafshon tumanlararo ma’muriy sudining 2023-yil 22-iyundagi 5-1101-2305/809-sonli hal qiluv qarori muhokamasi to‘g‘risida;

- Bo‘stonliq tuman sektor rahbarlari tomonidan o‘tkazilgan qabullar davomida aniqlangan sog‘liqlarini tiklash uchun moddiy yordamga muhtoj fuqarolarni qo‘llab-quvvatlash maqsadida “Saxovat va ko‘mak” jamg‘armasidan moddiy yordam ko‘rsatish to‘g‘risida bo‘ldi.

Sessiya yakunida ko‘rilgan har bir masala yuzasidan xalq deputatlari tuman Kengashining qarorlari qabul qilindi.