Oltinchi chaqiriq Xalq deputatlari Farg‘ona tuman Kengashining navbatdan tashqari 80-sessiyasi bo‘lib o‘tdi 

Joriy yilning 29-fevral kuni Xalq deputatlari Farg‘ona tuman Kengashining navbatdan tashqari 80-sessiyasi bo‘lib o‘tdi. 

Sessiya kun tartibiga masalalar dolzarb ekanligi sababli navbatdan tashqari sessiya chaqirilib, masalalar muhokama qilindi: 

Sessiya kun tartibidagi masalalardan biri, ya’ni “Farg‘ona tumanni 2024-yilda ijtimoiy-iqtisodiy rivojlantirish bo‘yicha” tuman hokimi X.Inomov tomonidan belgilangan chora-tadbirlar bilan deputatlar tanishtirildi. 

Sessiya kun tartibidagi 2-masala O‘zbekiston Respublikasi Prezidenti Sh.M.Mirziyoyev rahbarligida 2024-yil 18-yanvar kuni kengaytirilgan tarzda o‘tkazilgan videoselektor yigilishining 3-sonli bayonini 55-bandiga muvofiq, kun tartibida belgilangan 2024-yilda investisiya, eksport va xalqaro hamkorlik yo‘nalishlari bo‘yicha Farg‘ona tumanida amalga oshiradigan aniq chora-tadbirlar bilan tuman hokimi o‘rinbosari Sh.Sayfutdinov tanishtirib o‘tdi. 

Sessiya kun tartibidagi 3-masala “Ayollar daftari 5-bosqich”ga kiritish bo‘yicha mas’ulning ishtirok etmaganligi yuzasidan e’tirozga sabab bo‘lib, masala dolzarb ekanligini inobatga olgan holda mas’ulning Xalq deputatlari Farg‘ona tuman Kengashi raisi nomiga “Tushuntirish xati” berishi sessiya bayoniga kiritib o‘tildi va 5953 nafar xotin-qizlar “Ayollar daftari” 5-bosqichga ro‘yxatga kiritilishi to‘g‘risida qaror qabul qilindi. 

Sessiya kun tartibidagi masalalar yuzasidan tuman Kengashi deputatlari N.Isakov, F.Mirzayev, B.Axmadjonov, M. Yo’ldashev, R.Karimov, Sh.Jo‘rayevlar o‘zlarini qiziqtirgan masalalar bo‘yicha savollar va taklif berilib, masalalar ijrosini nazorat qilishda deputatlik nazoratini o‘rnatish belgilab olindi 

Kun tartibidagi masalalar bo‘yicha qarorlar tasdiqlanib, qabul qilindi.