Xalq deputatlari Bag‘dod tumani Kengashi “Sanoat, transport,
qurilish, kommunal soha va aholiga xizmat ko‘rsatish masalalari bo‘yicha doimiy
komissiyasi”ning navbatdagi yig‘ilishi bo‘lib o‘tdi. Yig‘ilishda “Hududgaz Farg‘ona”
GTF Bag‘dodtumangaz bo‘limi boshlig‘i B.Farxodov, tuman Elektr tarmoqlari korxonasi
injineri M.Raxmonov. “Farg‘ona suv ta’minoti” MChJ Bag‘dod tuman bo‘limi boshlig‘i
Z.Usmonov hamda Agro Rishton ta’mir servis MChJ, Toza hudud rahbari M.Nurmatovlarning
hisobotlari tinglandi. 

Yig‘ilishda Xalq deputatlari Bag‘dod tumani Kengashi Kotibiyat
mudiri, doimiy komissiya a’zolari hamda tuman markazi hududidagi mahalla fuqarolar
yig‘ini raislari ishtirok etdi. 

Yig‘ilishda Muqimiy MFYga qarashli Navoiy ko‘chasidagi
xonadonlarga va Do‘stlik MFYga qarashli Boburshox, Ko‘kalamzor ko‘chalariga ichimlik
suvi tarmoqlarini tortish, Muqimiy MFYning Kumushtola ko‘chasida elektr kuchlanishi
yuqori bo‘lganligi sababli yangi transformator o‘rnatish shuningdek, tuman markazi
hamda mahalla fuqarolar yig‘inlari hududlarini chiqindilardan tozalash, Suyultirilgan
gaz balonlarini aholiga o‘z vaqtida yetib borishini ta’minlash va boshqa masalalar
muhokama qilinib ijrosi yuzasidan mas’ul tashkilotlarga vazifalar yuklandi. 

Yig‘ilish yakunida doimiy komissiya qaror qabul qildi.