Xalq deputatlari Qo‘qon shahar Kengashi deputati Sh.Dehkanov tomonidan o‘zi saylangan hududdagi “G‘ishtli masjid” mahalla fuqarolar yig‘inida jinoyatchilik va huquqbuzarliklarning oldini olish hamda O‘zbekiston Respublikasining “Huquqbuzarliklar profilaktikasi to‘g‘risida”gi Qonuni ijrosi yuzasidan o‘rganish ishlari olib borildi.

O‘rganish davomida mahalla hududida jamoat tartibini saqlash, huquqbuzarliklarni barvaqt aniqlash va ularning oldini olish, fuqarolarning xavfsizligini ta’minlash hamda profilaktika tizimini takomillashtirish borasida amalga oshirilayotgan ishlar tahlil qilindi.

Xususan, mahalla hududiga kirish va chiqish nuqtalarida o‘rnatilgan videokuzatuv kameralari, ularning uzluksiz ishlash holati, kuzatuv tizimlarining hududni qamrab olish darajasi hamda jamoat xavfsizligini ta’minlashga xizmat qiluvchi infratuzilma ko‘zdan kechirildi.

Shuningdek, profilaktika inspektori, mahalla faollari va boshqa mas’ul tuzilmalar o‘rtasidagi hamkorlik mexanizmlari, hududda xavfsiz muhitni shakllantirish, muammoli vaziyatlarni barvaqt aniqlash hamda fuqarolar bilan profilaktik ishlarni samarali tashkil etish masalalari yuzasidan fikr almashildi.

O‘rganish yakunida huquqbuzarliklarning oldini olish bo‘yicha profilaktik tadbirlar samaradorligini yanada oshirish, videokuzatuv tizimlaridan samarali foydalanish, mavjud kamchiliklarni o‘z vaqtida bartaraf etish hamda fuqarolarning xavfsiz yashash muhitini mustahkamlash yuzasidan tegishli tavsiya va takliflar bildirildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati bosh mutaxassisi X.Abdullayev tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi