Xalq deputatlari Bag‘dod tumani Kengashi deputati Xamrakulov Doniyor Toxirovich tomonidan Bag‘dod tumani hokimining o‘rinbosari U.Yigitaliyevga 73-ds-287-26-sonli deputat so‘rovi yuborildi.

📊 Deputat so‘rovida Xalq deputatlari Bag‘dod tumani Kengashi deputatlarining saylovchilar bilan uchrashuvlari hamda hududlarda mavjud muammolarni o‘rganish yuzasidan tasdiqlangan reja-jadvalga muvofiq, Do‘stlik mahalla fuqarolar yig‘ini hududida o‘rganish ishlari olib borilgani qayd etildi.

🔴O‘rganish davomida Do‘stlik MFY hududidagi Navro‘z ko‘chasida yo‘l harakati xavfsizligini ta’minlash hamda yo‘l-transport hodisalarining oldini olish maqsadida 3.4 — “Yuk avtomobillarining harakatlanishi taqiqlangan” yo‘l belgisini o‘rnatish zarurati mavjudligi aniqlandi.

🔴Mazkur ko‘chada yuk avtomobillarining harakatlanishi piyodalar, ayniqsa, bolalar va keksa yoshdagi fuqarolar uchun noqulaylik hamda xavf tug‘dirayotganligi qayd etilib, ushbu hududda tegishli yo‘l belgisini o‘rnatish orqali harakat xavfsizligini ta’minlash maqsadga muvofiqligi bildirildi.

🔴Yuqoridagilarni inobatga olib, O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunining 8-moddasiga muvofiq, deputat so‘rovida Do‘stlik MFY hududidagi Navro‘z ko‘chasiga 3.4 — “Yuk avtomobillarining harakatlanishi taqiqlangan” yo‘l belgisini o‘rnatish bo‘yicha tegishli choralar ko‘rish so‘raldi.