Xalq deputatlari Oltinsoy tumani Kengashining 11-“Guliston” saylov okrugidan saylangan deputat Mamatmuratov Azamat Karamatovich tomonidan saylov okrugiga qarashli “Guliston” mahallasida aholi xonadonlariga tashrif buyurilib, fuqarolarning murojaatlari, taklif va muammolari xonadonbay o‘rganilmoqda.

O‘rganish jarayonida, avvalo, ehtiyojmand oilalarni aniqlash, ularning bandligini ta’minlash, doimiy daromad manbalarini yaratish, mavjud muammolarini aniqlash hamda murojaatlarda ko‘tarilgan masalalarni manzilli hal etishga alohida e’tibor qaratilmoqda.

Mazkur o‘rganishlarda Xalq deputatlari Oltinsoy tumani Kengashi raisi A.Turdiyev, Kengash Kotibiyati mudiri M.Xujanov, Kotibiyat bosh mutaxassislari A.Esanov va I.Roziqov, shuningdek, tegishli mas’ullar ishtirok etdi.

Xonadonlar kesimida aniqlangan muammo va murojaatlar tegishli tartibda “Murojaatlar daftari”ga qayd etilib, ularni hal etish yuzasidan mas’ul tashkilotlar bilan hamkorlikda amaliy choralar belgilanmoqda.

Fuqarolar murojaatlarining ijrosi va ko‘tarilgan masalalarning amaliy hal etilishi deputatlik nazoratida davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz