Xalq deputatlari Yangiobod tuman Kengashi deputati A. Kenjayev tomonidan saylovchilar bilan hududlarda o‘tkazilgan uchrashuvlar davomida Shodlik mahallasining “Yuksalish” ko‘chasi, 10-A-uyda istiqomat qiluvchi fuqaro Xoliqov Inomning tabiiy gaz tarmog‘iga ulanish bo‘yicha murojaati o‘rganildi.

O‘rganish davomida fuqaro xonadonini tabiiy gaz tarmog‘iga ulash uchun tegishli ruxsat hujjatlari mavjudligi, abonent raqami rasmiylashtirilgani hamda ulanish imkoniyati mavjudligi aniqlandi.

Biroq zarur ruxsat va abonent ma’lumotlari mavjud bo‘lishiga qaramay, xonadon bugungi kunga qadar tabiiy gaz tarmog‘iga amalda ulanmagan.

Mazkur holat yuzasidan tegishli mutaxassis va mas’ullar bilan masalani tezkor hal etish, xonadonni amalda gaz tarmog‘iga ulash hamda fuqaroning murojaatini yakuniy yechimga yetkazish bo‘yicha muhokamalar olib borildi.