O‘rganish davomida boshqaruv kompaniyasi tomonidan ko‘p qavatli uylarda istiqomat qiluvchi aholiga kommunal va uy-joy xizmatlarini ko‘rsatish, umumiy foydalanishdagi hududlarni obod saqlash, uylarning texnik holatini nazorat qilish hamda mavjud muammolarni bartaraf etish borasida amalga oshirilayotgan ishlarga e’tibor qaratildi.

Ma’lumotlarga ko‘ra, “Qumqo‘rg‘on kommunal servis BSK” MChJ boshqaruv kompaniyasi 31 ta ko‘p qavatli uylardagi 584 ta xonadonga xizmat ko‘rsatadi.

Shuningdek, yettinchi chaqiriq Xalq deputatlari Qumqo‘rg‘on tuman Kengashining 2026-yil 25-fevraldagi o‘n oltinchi sessiyasida “O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarori ijrosini ta’minlash bo‘yicha ko‘p kvartirali uylar tutash hududlarini obodonlashtirish chora-tadbirlari to‘g‘risida”gi VII-16-12-8-114-K/26-sonli qarori bilan tasdiqlangan dastur asosida amalga oshirilayotgan qurilish ishlar jarayoni ko‘zdan kechirildi.  

Aholi uchun yaratilayotgan sharoitlar, uy-joylarni saqlash va ularga xizmat ko‘rsatish sifati, mavjud muammolarni aniqlash hamda ularni bartaraf etish choralari o‘rganildi.

O‘rganish yakuni bo‘yicha aholiga ko‘rsatilayotgan xizmatlar sifatini yanada oshirish, ko‘p qavatli uylarning umumiy holatini yaxshilash va fuqarolar murojaatlarini o‘z vaqtida hal etish yuzasidan tegishli tavsiyalar berildi.