Xalq deputatlari Paxtakor tumani Kengashi deputati J.Uzaqov tomonidan o‘z saylov okrugi hududida istiqomat qiluvchi fuqarolar uchun “Dilorom” mahallasi idorasida navbatdagi sayyor qabul o‘tkazildi.

Qabul davomida fuqarolarning murojaatlari, taklif va muammolari tinglanib, ularni hal etish yuzasidan mahalla yettiligi bilan birgalikda tegishli choralar belgilandi.

Murojaatlarda ko‘tarilgan masalalarni o‘rganish, ularning amaliy yechimini ta’minlash hamda fuqarolarga zarur huquqiy va amaliy ko‘mak ko‘rsatish bo‘yicha mas’ullarga tegishli topshiriqlar berildi.

Aholi bilan bevosita muloqot qilish, ularning muammolarini o‘rganish va ijobiy hal etish deputatlik faoliyatining muhim yo‘nalishlaridan biridir.