Xalq deputatlari Sariosiyo tumani Kengashi deputatlari “Mustaqillikning 35 yilligi” esdalik nishoni bilan taqdirlandilar

O‘zbekiston Respublikasi Prezidentining tegishli Farmoniga muvofiq, davlatimiz mustaqilligining 35 yilligi munosabati bilan mamlakatimiz taraqqiyoti, xalqimiz farovonligi va Yangi O‘zbekistonni barpo etish yo‘lida fidokorona mehnat qilayotgan bir guruh yurtdoshlarimiz “O‘zbekiston Respublikasi mustaqilligining 35 yilligi” esdalik nishoni bilan taqdirlandi.

Shu munosabat bilan Sariosiyo tumani hokimligida tantanali taqdirlash marosimi bo‘lib o‘tdi. Unda bir guruh sariosiyoliklarga yuksak e’tirof ramzi bo‘lgan esdalik nishonlari tantanali ravishda topshirildi.

Marosimda xalq deputatlari tuman Kengashi raisi Mas’ud Ashurov hamda Sariosiyo tumani hokimi Odiljon Yaqubov ishtirok etib, taqdirlanganlarni qutlug‘ sana — davlatimiz mustaqilligining 35 yilligi bilan samimiy muborakbod etdilar. Ularning Vatan ravnaqi, xalq farovonligi va yurt taraqqiyoti yo‘lidagi munosib xizmatlari alohida e’tirof etildi.

Taqdirlanganlar O‘zbekiston Respublikasi Prezidenti tomonidan ko‘rsatilayotgan yuksak e’tibor va ishonch uchun minnatdorlik bildirib, ushbu e’tirof ularni kelgusida ham el-yurt manfaatlari yo‘lida yanada mas’uliyat va fidoyilik bilan mehnat qilishga undashini ta’kidladilar.

Taqdirlash marosimi inson qadri ulug‘lanayotgan, fidokorona mehnat va munosib xizmat davlatimiz tomonidan yuksak e’tirof etilayotganining yorqin ifodasi bo‘ldi.