Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat D.Xolmurotov tumanning “Pskom” mahallasiga biriktirilgan ijtimoiy xodim B.Raxmonberdiyevning faoliyatini o‘rgandi.

🔻O‘rganish davomida mahallada istiqomat qiluvchi nogironligi bo‘lgan fuqaroning xonadondagi yashash sharoiti bilan yaqindan tanishildi. Fuqaroning kundalik hayoti, mavjud ehtiyojlari, ijtimoiy va maishiy sharoitlari o‘rganilib, unga davlat tomonidan ko‘rsatilayotgan ijtimoiy ko‘maklardan foydalanish holatiga e’tibor qaratildi.

🔻Shuningdek, ijtimoiy xodim tomonidan fuqaroning ehtiyojlarini o‘rganish, mavjud muammolarini aniqlash va ularni bartaraf etish bo‘yicha amalga oshirilgan ishlar ko‘rib chiqildi. Fuqaroga zarur ijtimoiy ko‘maklar ko‘rsatilgani, mavjud imkoniyatlardan kelib chiqib uni qo‘llab-quvvatlash choralari ko‘rilgani qayd etildi.

🔻O‘rganish jarayonida fuqaroning xonadondagi sharoiti, kundalik ehtiyojlari hamda ijtimoiy xizmatlarga bo‘lgan talablari tinglandi. Aholining ijtimoiy himoyaga muhtoj qatlamiga mansub fuqarolar bilan ishlashda har bir insonning ehtiyojidan kelib chiqib, individual yondashuv asosida xizmat ko‘rsatish muhimligi ta’kidlandi.