Xalq deputatlari Jondor tumani Kengashi deputati Sh. Boboyev hamda tuman Kengashi kotibiyati mudiri I. Xolov tomonidan “Xumin” mahallasidagi 13-son umumiy o‘rta ta’lim maktabining filialida yangi o‘quv yiliga tayyorgarlik holati o‘rganildi.
🔹O‘rganish davomida filialdagi o‘quv xonalari, bino va hududning umumiy holati, sanitariya-gigiyena talablariga rioya etilishi, o‘quvchilar uchun yaratilgan shart-sharoitlar hamda yangi o‘quv yilini munosib kutib olish bo‘yicha amalga oshirilayotgan ishlar ko‘zdan kechirildi.
🔹Mas’ullar tomonidan ta’lim muassasasining moddiy-texnik bazasini mustahkamlash, mavjud kamchiliklarni bartaraf etish va o‘quvchilar uchun qulay hamda xavfsiz ta’lim muhitini yaratish masalalariga alohida e’tibor qaratildi.
🔹Shuningdek, aniqlangan muammolarni tegishli tashkilotlar bilan hamkorlikda bartaraf etish, maktab filialini yangi o‘quv yiliga to‘liq shay holatga keltirish yuzasidan zarur vazifalar belgilab olindi.
🔹Bunday o‘rganishlar ta’lim muassasalaridagi mavjud muammolarni o‘z vaqtida aniqlash, ularni hal etish va o‘quvchilar uchun munosib ta’lim sharoitlarini yaratishda muhim ahamiyat kasb etadi.