Sessiya qarorlari ijrosi o‘rganildi

Xalq deputatlari Termiz tuman Kengashi deputatlari G. Shafoatova hamda K. Abdullayeva tomonidan 2026-yil davomida Xalq deputatlari Termiz tuman Kengashi sessiyalarida qabul qilingan qarorlarning ijrosi yuzasidan o‘rganish ishlari amalga oshirildi.

O‘rganish davomida sessiya qarorlarida belgilangan vazifalarning amaliy ijrosi, mas’ul tashkilotlar tomonidan olib borilgan ishlar, belgilangan muddatlarga rioya etilishi hamda erishilgan natijalar tahlil qilindi. Shuningdek, ayrim yo‘nalishlarda mavjud muammolar va ularni bartaraf etish yuzasidan mas’ullarga tegishli tavsiya va takliflar bildirildi.

Deputatlar tomonidan sessiya qarorlarining to‘liq va sifatli ijrosini ta’minlash, ijro intizomini mustahkamlash hamda hududni ijtimoiy-iqtisodiy rivojlantirishga qaratilgan vazifalarning o‘z vaqtida bajarilishi ustidan deputatlik nazorati izchil davom ettirilishi ta’kidlandi.