Inson ijtimoiy xizmatlar markazida qonun ijrosi o‘rganildi

✔️ Bugun xalq deputatlari tuman Kengashi kotibiyati mudiri O‘.Murodov tomonidan Inson ijtimoiy xizmatlar markazida O‘zbekiston Respublikasining 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi Qonuni ijrosi yuzasidan o‘rganish olib borildi.

✔️ O‘rganish davomida nogironligi bo‘lgan shaxslarga ko‘rsatilayotgan ijtimoiy xizmatlar sifati, ularning qonuniy huquq va manfaatlarini ta’minlash, murojaatlar bilan ishlash holati hamda xizmatlardan foydalanish uchun yaratilgan sharoitlar ko‘zdan kechirildi. Shuningdek, qonun talablarining amaliy ijrosi, mavjud kamchiliklar va ularni bartaraf etish bo‘yicha tegishli tavsiyalar berildi.

✔️ Mazkur o‘rganishdan ko‘zlangan asosiy maqsad nogironligi bo‘lgan shaxslarning huquqlarini to‘liq ta’minlash, ularga sifatli va manzilli ijtimoiy xizmatlar ko‘rsatish hamda qonun ijrosini yanada kuchaytirishdan iborat.