20-Тинчлик сайлов округидан сайланган депутат Орибжон Тожибоев ташаббуси билан ҳамда Кенгаш котибияти ходимлари иштирокида “Аҳиллик” МФЙда аҳоли саломатлигини муҳофаза қилишга қаратилган йирик тиббий-ижтимоий тадбир ташкил этилди.

Мазкур тадбирга “Соғлом авлод учун” халқаро хайрия фонди Андижон вилояти минтақавий бўлимининг малакали шифокорларидан иборат тиббий-ижтимоий бригадаси жалб этилди. Депутат ва котибият ходимлари жараённинг уюшқоқолик билан ўтишида яқиндан кўмак бердилар.

Жараёнда маҳалла фуқаролари, айниқса, кексалар, болалар ва кам таъминланган оилалар вакиллари атрофлича кўрикдан ўтказилиб, уларга зарур тиббий маслаҳатлар ҳамда бепул дори-дармонлар берилди.