Bobur MFYda boshqaruv servis kompaniyasi faoliyati o‘rganildi

Muborak tumani Bobur mahallasida xalq deputatlari Muborak tumani Kengashidagi O‘zbekiston Liberal-demokratik partiyasi a’zosi, deputat Raxmatillo Begmatov tashabbusi bilan aholi uchun muhim bo‘lgan kommunal xizmatlar holati yuzasidan o'rganish olib bordi.

Unda “Muborak Ulkan inshoat” boshqaruv servis kompaniyasi rahbari Ixtiyor Farmonov hamda BSK ishchi-xodimlari ishtirok etib, kommunal xizmatlar bo‘yicha hisobotlari tinglandi hamda ularning faoliyati atroflicha o‘rganildi.

Yig‘ilish davomida ko‘p qavatli uylarga xizmat ko‘rsatish sifati, hududda amalga oshirilayotgan obodonlashtirish ishlari, muhandislik kommunikatsiyalari holati, sanitariya va tozalik masalalari yuzasidan amalga oshirilayotgan ishlar tahlil qilindi.

Shuningdek, aholi tomonidan bildirilgan muammolar, taklif va murojaatlar tinglanib, ularni bartaraf etish yuzasidan mas’ullarga aniq vazifalar belgilab berildi.

Tadbir yakunida kommunal xizmatlar sifatini yanada oshirish, aholi bilan samarali muloqotni kuchaytirish va mavjud muammolarni tezkor hal etish zarurligi alohida ta’kidlandi.