Xalq deputatlari tuman Kengashi deputati O'.Shukurov tomonidan o‘z saylov okrugidagi 5-umumta’lim maktabida “Oziq-ovqat xavfsizligi to‘g‘risida”gi Qonun moddalari ijrosi yuzasidan o‘rganish olib borildi.

O‘rganish davomida maktab oshxonasida qator kamchiliklar aniqlandi. Jumladan, oziq-ovqat mahsulotlarini saqlash sharoitlariga to‘liq rioya etilmayotgani, sanitariya-gigiyena talablarining buzilgani hamda mahsulotlar sifati va xavfsizligini ta’minlash borasida kamchiliklar mavjudligi kuzatildi.

Mazkur holat qonun 7-moddasi (oziq-ovqat mahsulotlarining xavfsizligi talablari), 10-moddasi (markirovkalash talablari) va 12-moddasi (saqlash sharoitlari) talablariga zid ekanligi qayd etildi.

Aniqlangan kamchiliklar yuzasidan ko‘rsatmalar berilib, ularni bartaraf etish choralarini ko‘rish zarurligi ta’kidlandi. Mazkur masala deputat nazoratiga olinib, qonun ijrosini ta’minlash bo'yich deputatlik so'rovi chiqarilishi rejalashtirildi.