Xalq deputatlari Paxtakor tumani Kengashi deputati Avazov Azamat Paxtakor tumanidagi Baxmal SIU hududida joylashgan YUR 18.1.7 ichki kanalida amalga oshirilayotgan qurilish va yangilash ishlarini borib ko‘rdi hamda jarayonni bevosita nazorat qildi.

Hududda ichki kanalga yangitdan shit o‘rnatish ishlari olib borilayotgan bo‘lib, mazkur ishlar suv taqsimotini tartibga solish, sug‘orish tizimining samaradorligini oshirish hamda dehqon va fermerlar uchun qulay sharoit yaratishga xizmat qilmoqda. Deputat tomonidan ishlarning sifati, texnik talablarga muvofiqligi va belgilangan muddatlarda bajarilishi alohida e’tiborga olindi.

Deputat tomonidan mazkur jarayon ustidan nazorat ishlari davom ettirilishi, amalga oshirilayotgan ishlarning sifatli va o‘z vaqtida yakunlanishi yuzasidan tegishli mutasaddilarga aniq vazifalar belgilab berildi.