Qo‘shma majlis kun tartibiga kiritilgan masalalar yuzasidan Chinoz tumani hokimining birinchi o'rinbosari M.Miryakubovning hisoboti, doimiy komissiya raislari hamda tegishli bo‘lim va tashkilotlar rahbarlarining axborot va hisobotlari eshitildi.

Majlis kun tartibidagi masalalar muhokamasida deputatlar A.Turdiboyev, A.Baxramov, O.Dadajonov, M.Erxo‘jayev, E.Saidovlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

Qo‘shma majlis yakunida kun tartibidagi masalalar bo‘yicha bildirilgan takliflar va fikr-mulohazalarni inobatga olib, Xalq deputatlari Chinoz tumani Kengashining navbatdagi yigirma oltinchi sessiyasi kun tartibiga kiritish to‘g‘risida xulosa qilindi hamda tegishli qarorlar qabul qilindi.

Farxod Ibragimov

Doimiy komissiya raisi