Deputat Zafar Sapayev Madaniy-maorif MFYda aholi murojaatlarini o‘rgandi

Xalq deputatlari Namangan shahar Kengashi deputati Zafar Sapayev tomonidan aholi murojaatlarini o‘rganish maqsadida Madaniy-maorif mahalla fuqarolar yig‘inida o‘rganish ishlari olib borildi.

O‘rganish jarayonida mahallada quyidagi muammolar aniqlanib, qayd etildi:

-Chortoq ko‘chasida yog‘ingarchilik paytida suv to‘planib qolishi natijasida aholi hamda o‘quvchilarning qatnovida noqulayliklar yuzaga kelayotgani;

-7-pr Uychi ko‘chasida 35 dona simyog‘och o‘rnatish zarurligi;

-vasiylikka olingan hamda nogironligi bo‘lgan farzandlar uchun o‘quv kurslari to‘lovlarini qoplashda amaliy yordam ko‘rsatish masalasi;

-imtiyozli kredit olish bo‘yicha fuqarolarning murojaatlari mavjudligi.

Mazkur muammolarni bartaraf etish yuzasidan tegishli mas’ul tashkilotlarga deputat so‘rovi orqali murojaat qilish belgilab olindi.

Shuningdek, uchrashuv davomida mahalla profilaktika inspektorining Chilonzor tumani tajribasini tatbiq etish, davlat va jamiyat xavfsizligiga tahdid soluvchi uyushgan jinoyatchilik, narkojinoyatlar, kiberjinoyatlar hamda yashirin iqtisodiyotning oldini olishga qaratilgan “Yo‘l xaritasi” doirasida amalga oshirilgan ishlar yuzasidan hisoboti ham tinglandi.