DEPUTAT VA SAYLOVCHILAR UCHRASHUVI

Navoiy shahar 10-Gʻalaba saylov okrugi deputati Shaxnoza Azamatovna joriy yilning 11 mart kuni Navoiy shahridagi 13-maktab binosida saylovchilar bilan uchrashuv oʻtkazdi. Mazkur uchrashuvdan koʻzlangan asosiy maqsad saylovchilar bilan ochiq muloqot qilish, ularning fikr va takliflarini tinglash hamda hududda amalga oshirilayotgan ishlar yuzasidan axborot berishdan iborat boʻldi.Uchrashuv davomida deputat oʻz saylov okrugida amalga oshirilayotgan ishlar, aholi farovonligini oshirish, ijtimoiy masalalarni hal etish, shuningdek, fuqarolar murojaatlari bilan ishlash borasida olib borilayotgan faoliyat haqida batafsil ma’lumot berdi. Shu bilan birga, hududni yanada obodonlashtirish, aholi uchun qulay shart-sharoitlar yaratish, ta’lim muassasalari va ijtimoiy infratuzilmani rivojlantirishga qaratilgan ishlar haqida ham toʻxtalib oʻtdi.Uchrashuvda saylovchilar tomonidan mahalla va hududdagi dolzarb masalalar, jumladan, kommunal xizmatlar sifati, yoʻllar holati, obodonlashtirish ishlari hamda aholini qiynayotgan boshqa muammolar boʻyicha savol va takliflar bildirildi. Deputat barcha murojaatlarni diqqat bilan tinglab, ularni tegishli tartibda koʻrib chiqish va hal etish boʻyicha mas’ul tashkilotlar bilan hamkorlikda ish olib borilishini ta’kidladi. Shuningdek, uchrashuv davomida saylovchilar bilan ochiq va samimiy muloqot olib borilib, aholining taklif va tashabbuslari hududni yanada rivojlantirishda muhim ahamiyatga ega ekani qayd etildi. Deputat bunday uchrashuvlar aholi bilan doimiy muloqotni yoʻlga qoʻyish, ularning muammolarini oʻrganish va oʻz vaqtida hal etishda muhim omil boʻlib xizmat qilishini ta’kidladi. Uchrashuv yakunida saylovchilar tomonidan bildirilgan taklif va murojaatlar asosida kelgusida amalga oshirilishi lozim boʻlgan vazifalar belgilab olindi. Bunday muloqotlar kelgusida ham muntazam ravishda davom ettirilishi qayd etildi.