Bahorning ilk ayyomi — 8-mart Xalqaro xotin-qizlar bayrami munosabati bilan Xalq deputatlari Olmaliq shahar Kengashida bayramona shukuh hukmron bo‘ldi.

Kengashning faol, tashabbuskor va fidoyi ayol deputatlarini bayram bilan qutlash maqsadida Kengash yigitlari tomonidan o‘ziga xos tadbir tashkil etildi.

Tadbirda Xalq deputatlari Olmaliq shahar Kengashi raisi Doniyor Karimov so‘zga chiqib, barcha ayol deputatlarni, shahar rivoji yo‘lida xizmat qilayotgan xotin-qizlarni samimiy muborakbod etdi:

"Sizlarning nafaqat oila mustahkamligida, balki jamiyatimiz siyosiy hayotida, shahar obodonchiligi va aholi muammolarini hal etishdagi o‘rningiz beqiyos. Bahoriy go‘zallik va nafosat Sizlarni aslo tark etmasin!"

Bayramning eng hayajonli daqiqalarida Kengash raisi va erkak deputatlar tomonidan ayol hamkasblarga gullar va esdalik sovg‘alari taqdim etildi.

Ushbu uchrashuv nafaqat bayram tabrigi, balki deputatlar orasidagi o‘zaro hamjihatlik va hurmatning yorqin namunasi bo‘ldi. Zero, ayol borki, olam munavvar, jamiyatda adolat va mehr barqarordir.