Chilonzor tumani 6-mavze hududida joylashgan “Xalqlar do‘stligi” va “Dilobod” mahalla fuqarolari tomonidan “EMU” universiteti binosi qarshisida kuzatilayotgan tirbandlik holatlari yuzasidan murojaat yuborilgan edi. 

Ushbu masala yuzasidan xalq deputatlari Chilonzor tuman Kengashi deputati Iskakov Doniyor Maxmudovichning deputat so‘roviga tegishli joydan rasmiy javob keldi. 

Ushbu javobda: 

mazkur murojaat tegishli tartibda ko‘rib chiqilib, o‘rganishlar natijasiga ko‘ra, Chilonzor tumani Qatartol 1-tor ko‘chasida joylashgan “EMU” universiteti qarshisida yo‘l-transport hodisalarining oldini olish, harakat xavfsizligini ta’minlash hamda tirbandliklarni kamaytirish maqsadida jami 4 ta 3.27 “To‘xtash taqiqlanadi” yo‘l belgilari o‘rnatilgani ma’lum qilindi. 

Shuningdek, IIBB YXHB 4-batalon xodimlari tomonidan mazkur manzilda maxsus reyd tadbirlari o‘tkazilib, o‘rnatilgan yo‘l belgilari va yo‘l harakati qoidalariga amal qilmagan haydovchilarga nisbatan ma’muriy bayonnomalar rasmiylashtirilgani haqida ma’lum qilindi.