Joriy yilning 26-fevral kuni xalq deputatlari Shovot tumani Kengashi kotibiyati hamda xalq deputatlari tuman Kengashiga 20-Maxtumquli saylov okrugidan saylangan deputat Navro‘zov Faxriddin Qo‘zibayevich bilan hamkorlikda Shovot tumani ixtisoslashtirilgan maktab-internatida “2026-yil — “Mahallani rivojlantirish va jamiyatni yuksaltirish yili” Davlat dasturining mazmun-mohiyati hamda “Yoshlarni kelajak kasblariga yo‘naltirish” mavzularida uchrashuv tashkil etildi.

Uchrashuvda maktabning ishchi-xodimlari va o‘quvchilari faol ishtirok etdilar. Uchrashuv davomida yoshlarga Davlat dasturining ustuvor yo‘nalishlari, mahallalarni rivojlantirish borasida amalga oshirilayotgan keng ko‘lamli ishlar, shuningdek, zamonaviy va istiqbolli kasblar haqida batafsil ma’lumot berildi.

O‘zaro muloqot shaklida o‘tgan uchrashuvda yoshlar o‘zlarini qiziqtirgan savollarga atroflicha javob oldilar. Tadbir davomida yoshlarning huquqiy savodxonligini oshirish, ularni mustaqil fikrlashga undash hamda kelajak kasbini ongli ravishda tanlash masalalariga alohida e’tibor qaratildi.

Mazkur uchrashuv barchada katta taassurot qoldirdi va yoshlarning huquqiy bilimlarini mustahkamlash, shuningdek, kelajak kasbini to‘g‘ri tanlashiga xizmat qiladigan muhim muloqot maydoniga aylandi.