Kengash raisining o‘zi saylangan hududdagi Gulbahor OSHP faoliyati bilan tanishdi.

Termiz tuman Kengashi raisi S.Nazarov tashrifi davomida hududdagi oilaviy shifokorlik punkti (OSHP) faoliyati bilan yaqindan tanishdi. O‘rganishlar davomida punktning bemorlarni qabul qilish, profilaktik ko‘riklar va birlamchi tibbiy xizmat ko‘rsatish tizimi atroflicha o‘rganildi.

Hududdagi aholiga ko‘rsatilayotgan tibbiy xizmatlar sifati va samaradorligi, shuningdek, navbatchilik tizimi, bemorlarning murojaatlarini qabul qilish va ularga o‘z vaqtida yordam ko‘rsatish masalalari tahlil qilindi. Shu bilan birga, profilaktik tadbirlar, sog‘lom turmush tarzini targ‘ib qilish va aholi bilan sog‘liqni saqlash bo‘yicha olib borilayotgan ishlar ham ko‘zdan kechirildi.

Tadbir davomida aholi ehtiyojlari va bepul dori vositalarining mavjudligi ham atroflicha o‘rganildi. Aniqlangan kamchiliklar yuzasidan mas’ullarga tavsiyalar berilib, tibbiy xizmat sifatini oshirish, dorilarning yetkazib berilishini nazorat qilish hamda aholiga tezkor va sifatli yordam ko‘rsatish bo‘yicha aniq vazifalar belgilandi.

Shu bilan birga, OSHP va mahalla yettiligi o‘rtasida tizimli hamkorlikni kuchaytirish, aholi murojaatlarini samarali ko‘rib chiqish hamda hududdagi tibbiy xizmatlar sifatini yanada oshirish zarurligi ta’kidlandi.